Марий Эл Республикын Т. Евсеев лӱмеш калыкле тоштерже 28 ноябрьыште тунемше ден студент-влаклан «Изи Евсеев лудмаш» регион-влак кокласе шанче-практик конференцийым эртара.
Конференцийыш Йошкар-Ола, Цикмӓ, Юлсер, тыгак республикысе икмыняр район да Тюмень кундем гыч 60 утла пашам пуымо. Эн сайжым очный турлан ойырен налме.
Конференцийын пашаже кум секций дене каяш тӱҥалеш: «Археологий. Эртык. Этнологий», «Тӱвыра понялыкым арален кодымаш» да «Пӱртӱс ден экологий». 2025 ийыште мероприятий-влак Кугу Отечественный сарыште сеҥымылан 80 ий теммылан, Марий Эл республикым ыштымылан 105 ий да тоштерлан 105 ий теммылан келыштаралтыныт.