Пеледыш пайрем Йошкар-Олаште 19–20 июньышто эрта. Тений мероприятий Россий калык-влакын икоян улмо идалыклан пӧлеклалтеш.
Программыште – «Марий кудо» тӱрлӧ кочкыш, вургем да кидпаша ончер, «Икоян ме улына!» калык усталык концерт, «Гармонь сем» гармонист-влакын конкурсышт. Тыгак «Кидпаша тӱня» ярмиҥга, «Черемис кучедалмаш» кирам нӧлтымаш да канатым шупшмаш дене спорт зона, тыгак «Модыш алан» йоча модмо площадке лийыт.
Пайремыш Татарстан, Башкортостан, Киров область да моло субъектла гыч делегаций-влак ушнат. Марий Элысе кажне кундем гыч 30 еҥ марте делегаций вучалтеш.