С. Г. Чавайн лӱмеш калыкле книгагудышто Еш, йӧратымаш да ӱшанле улмо кечын «Книгагудысо тошкалтышыште» еш пайрем лиеш. Книгагудын пресс-службыжо увертара: тиде мероприятий уна-влаклан чыла ийготан еҥ-влаклан книган ончеркыжым, усталык мастерскойым да интерактив кумдыкым иктыш уша.
Уна-влаклан тӱрлӧ теме дене площадке пашам ышташ тӱҥалеш:
- «Тендан лӱмда дене нейросеть» площадкыште кажне кумылан еҥ шке еш историйжылан пӧлеклалтше шкешотан изи ойлымашым але почеламутым искусственный интеллект алгоритм полшымо дене возен кертеш.
- Кидпашаче-влакым гипс гыч ыштыме панньыштым «Пеледыш» сӱретлен чиялташ ярмиҥга мастерскойышко пагален ӱжыт.
- «Пырля ыштена» площадкыште «Ший пӱян Пампалче» марий орнаментан чиялтылман открытке ден закладка-влакым ямдылыме шотышто мастер-класс эртаралтеш. Уна-влак тыгак йоча книга гыч «сӱретлыме ешым» поген, Марий Эл нерген краевед пазлым поген кертыт, тыгак уш-акылым тергыше викториныште калыкмутым шарналтат.
Кечывал деч вара кок ончер почылтеш. Ончаш толшо-влак Наталья Головинан шарнымашан сӱрет ончерже ден Фаина Лебедеван керамике паша выставке-влакым ужыт. Тидын деч посна книгагудын фондыштыжо аралалтше шагал вашлиялтше тошто альбом да кызытсе кугу формату изданийлам ончыктышо «Кугу сымыктыш» книган ончерже пашам ышташ тӱҥалеш.
Программым интерактив площадкыште мучашлаш темлат. Тушто кажне уна серыме тыланымашыжым кода, нуно чумырымо саламлымаш книгашке савырнат да книгагудын фондыштыжо аралалташ кодыт.