«Российыште финн-угроведений: йылме-влакын кызытсе состоянийышт да историй-культур поянлыкым арален кодаш у технологий-влак» теме дене йыргешке ӱстел 2026 ий 27 октябрьыште Йошкар-Олаште эрта, увертарышт организатор-влак. Тиде мероприятий Россий Федерацийысе Финн-угровед-влак комитетын 55 ияш лӱмгечыжлан пӧлеклалтын.
Уна-влак Российысе финн-угор калык-влакын йылмыштым да тӱвыраштым шымлыме да арален кодымо шотышто иктешлымашым, чакнымашым да ончыкылыкым, урал йылме-влакын пӱрымашыштым, калыкле сылнымут-влакым вияҥдыме да увер технологийым шыҥдарыме нерген каҥашат.
Программыште — изи урал йылме-влак, кундемласе финн-угор йылмызылан, калыкле корпус-влак да нейросеть-влак нерген докладым лудмаш.
Москошто, Санкт-Петербургышто, Карелийыште, Марий Элыште, Мордовийыште, Удмуртийыште, Коми Республикыште, Ханты-Манси автоном йырвел — Юграште да Пермь кундемыште улшо шанчызе-влакын ушнымыштым вучат.