Марий Элым вуйлатыше Юрий Зайцев у пайремым — Калыкле вургем кечым — увертарыме нерген кӱштыкеш кидым пыштен. Тудо ий еда 16 майыште палемдалташ тӱҥалеш, республикым вуйлатыше шке Telegram-каналыштыже увертарен.
Тиде кечын 16 майыште историй шанче кандидат, этнолог, марий калыкле вургем шотышто специалист Тамара Молотова шочын, сандене ты кечым ойырен налме.
Пайрем кышкарыште шанче-практике конференций, йыргешке ӱстел, мастарлык класс, тоштер-влакын фондышкышт экскурсий, калыкле вургем конкурс, тыгак республикысе школлаште да вузлаште мероприятий-влак эртаташ тӱҥалыт.