С.Г. Чавайн лӱмеш калыкле книгагудо чыланыштым тӱвыра илыш дек чак ыштыше мероприятийыш, «Книгагудысо йӱд -2015» акцийыш ӱжеш.
«Книгагудысо йӱд» акций – книга дек кумылаҥдаш полшышо, кажне ийын эртарыме пеш кугу событий. Тудо книгагудо илышыш у шӱлышым пуртышо да книга коклаште оҥайын да кумыл ден жапым эртараш, пашам ышташ да вашлияш, тунемаш да шинчымашым погаш лийше. «Книгагудысо йӱдыштӧ» чылажымат ышташ лиеш: лудмо ден пырля мастер-классыште иктаж сомыллан тунемаш, конкурс да викториныште шинчымашым тергаш, почеламутым колышташ, але шкежат лудаш, музыкым колышташ, фильмым але спектакльым ончаш, модаш, мураш, кушташ, сӱретлаш, але веселан канаш.
Тиде гана «Книгагудысо йӱд» 24 гыч 25 вӱдшор йӱдым эрта да Российысе литератур ийын ик эн тӱҥ событийже лийшаш. Акцийын ий гыч ийыш шуйнышо темыже — «Дневникым поч да жапым кучен шукто». С.Г. Чавайн лӱмеш калыкле книгагудо 18 гыч 23 шагат марте чылалан омсажым почеш. Книгагудын чыла пӧлкаже пашам ышташ тӱҥалеш да шке лудшыжо-влаклан мероприятий эртарышаш кугу программым ямдыла. Тиде йӱдым кажныже мом гынат шканже чонлан келшышым да пайдалым муэш.
Пагален, Марий Эл Республикын «С. Г. Чавайн лӱмеш калыке книгагудо»