А. Я. Эшпайын шочмыжлан 90 ий вашеш…

Андрей Яковлевич Эшпайын шочмыжлан 90 ий вашеш С.Г. Чавайн лӱмеш калыкле книгагудышто «Зов земли родной» архивысе фотодокумент-влак негызеш ончерым ыштыме.
Экспозицийыште Марий Эл Республикысе колыштмо-ончымо документым чумырышо Кугыжаныш, Марий книга савыктыш архивла гыч, краевед-историк А.В. Муравьевын да марий поэтесса З. М. Глушкован (Дудинан) шке архивышт гыч фотодокумент-влакым вераҥдыме. 
Чылаже выставкыште 1927-2014 ийласе 61 умылтарыман фотодокументым ончыктымо: авторский концерт, муро фестиваль, спектакльлан премьер постановка, родо-тукымжо, тудын талантшым кӱкшын аклыше-влак ден вашлиймашла ден кылдалтше. Эн ондаксе фотографийым 1927-ше ийыште ыштыме. Тушто Эшпайын уло ешыже: ачаже Яков Андреевич, аваже Валентина Константиновна, Валентин да Андрей эргышт. Пытартыш фотодокументлан, 2014 ийыште Андрей Яковлевич Эшпайын шочмо кечыжым палемдыме годым ыштме  фотом шотлыман.
Андрей Эшпайын 90 ияш юбилейжылан пӧлеклалтше моло мероприятий нерген уверлам «Кидшер» интернет-журналыште эскерыза.

Кидшер
Шонымашым ешараш