1 апрель гыч икмыняр вашталтыш пура

Апрель гыч Российыште икмыняр вашталтыш-влак пурат. 

Тыге 1 апрель гыч социальный пенсий кугемеш. Тыгай пенсийым кугемдаш правительстве тений 9,6 миллиард теҥгем колта. Тыге 4 миллион наре еҥын пенсийже ешаралтеш. Социальный пенсийын кокла у кугытшо 9062 теҥге лиеш.

Почтын услугыжо шергештеш. 20 грамм нелытан тыглай письмалан тариф огеш вашталт, 22 теҥгеак лийын кодеш. Тыглай бандерольым колтымо ак да кеч-могай письман 20 грамм деч уто нелытшылан ешартыш ак огыт вашталт.

Нуным колтымаш социальный значениян услугылан шотлалтеш, сандене акым вашталтыме огыл.

Моло тӱрлӧ тариф кушкеш. Мутлан, тыглай почтовый картычкым колтымо ак теҥгелан шергештеш да 17 теҥгеш шуэш. Картычкым колтымылан ынде 33 теҥгем огыл, а 37 теҥгем тӱлаш тӱҥалына. Почтын моло тӱрлӧ услугыжат палынак шергештеш, воза кугарнясе номерыштыже «Марий Эл» газет.

Кидшер
Шонымашым ешараш