«Марий Эл» газет редакций «Марий кумалтыш мут радам» у книгам савыктен луктын.
Книгаш еш, ял кумалтыш, Серлагышлан, Кугече кечын, Агавайрем годым пелештыме мут-влакым чумырымо.
Савыктышым республикысе Марий юмыйӱла ушемын У Торъял общиныжым вуйлатыше Василий Блинов ямдылен. Книгаш тыгак республикысе тӱҥ онаеҥ Александр Таныгинын Агавайрем, Тӱня, Илян юмо-влак нерген возымыжымат пуртымо.
Светлана Носова