Марий Элыште демографий сӱрет колышо-влакын чот куштмыштым, шочшо, мужыраҥше, ойырлышо-шамычын шагалемышт дене палдырна.
2017 ий дене таҥастарымаште тений тыгаяк жапыште 3,3% шуко еҥ колен, 10,2% шагал йоча шочын. Тичмаш налмаште илыш гыч кайыше-влакын чотышт ош тӱняш толшо-шамыч деч 24,5% кушкын.
Идалык тӱҥалтыш гыч 1 389 мужырым регистрироватлыме, 1 220 мужырым ойырымо. Мужыраҥме чот кодшо ий тыгаяк жап деч 8,6% иземын, ойырлымо чот – 0,6%.