Тиште кече вашеш: Марий писатель-влак дене вашлиймашыш ӱжыт

«Марий книга издательстве» савыктыш пӧрт Марий тиште кече вашеш 3-10 декабрьыште писатель-влак дене вашлиймашым эртараш тӱҥалеш. 

Арня жапыште лудшо-влак издательствыш толын, палыме марий сылнымут мастар-влак дене ужын мутланен, почеламутыштым колыштын, творческий планышт дене палыме лийын, автографышт дене книгаштым налын кертыт.

Тыгак савыктыш пӧрт тиде арнян  чыла книгалан акым 30% волта.

«Толза, лудса марий книга-влакым. Мемнан омсана тыланда эре почмо!», — паладарат савыктыш пӧртын пашаеҥже-влак.

Кидшер
Шонымашым ешараш