Марий Элысе Республикын Тӱвыра, савыктыш да калык паша шотышто министерствыже «Унчо – финнугор тӱнян тӱвыра рӱдыверже–2019» проектын логотипшым пеҥгыдемден.
Логотипын авторжо – Российын сулло сӱретчыже Иван Ямбердов.
Пу гыч ыштыме мардежвакш мучашдыме илышым ончыкта, тудым марий тӱр семын келыштарыме.
Ты символ финн-угор тӱвыра верыште эртаралтше чыла мероприятийын символжо лиеш. Тылеч посна эмблеме рекламыште, полиграфийыште, сувенирлаште кучылталташ тӱҥалеш.