Морко районысо депуптат-влак погынымашын пунчалже дене ты район администраций вуйлатышылан Александр Голубковым 7 ноябрьыште шогалтеныт.
У вуйлатышын палемдымыж почеш, тудо эн ончычак бюджет окса пайдалын да шот дене кучылталтше, районыш инвестиций толжо, чыла гаяк илыме верлашке газ пучым виктарыме лийже манын тыршаш тӱҥалеш.
Тылеч ончыч Александр Голубков Морко районысо администраций вуйлатышын алмаштышыжлан ыштен.