Марий йылме, сылнымут, марий кугыжаныш йылме, историй да тӱвыра дене регион-влак кокласе олимпиаде Йошкар-Олаште эртен. Тушко Марий Элын районлаже, Пошкырт, Татарстан да Свердлов область гыч тунемше-влак толыныт.
Марий йылме дене сеҥышыш Татарстанысе Агрыз район, Буймо школын 9-ше классыштыже тунемше Юлия Исаева ден Советский район Ӱшнӱр школын 10-шо классыштыже тунемше Александра Морозова, Морко район Унчо школын 11-ше классше гыч Анастасия Дмитриева лектыныт.
Марий сылнымут дене сеҥыште радамыште Унчо школын 9-ше классше гыч Алсу Арсланова, Ӱшнӱр школын 10-шо классше гыч Валентина Кушакова, Татасртанысе, Агрыз район, Бим школын 11-ше классше гыч Дарина Дедюхина улыт.