XI Марий самырык тукымын слётшо Морко районысо Унчо селаште сӱрем тылзын 8 гыч 13 кечыж гыч эрташ тӱҥалеш. Тидын нерген Марий Мер Каҥаш Вуйверын погынымашыштыже ӱярня тылзын 27-ше кечынже мутланеныт.
«Марий Элысе районлаште, тыгак марий-влакын тӱшкан илыме кундемлаште верысе самырыктум слёт-влакым эртараш», — возымо Марий Мер Каҥаш Вуйверын Пунчалыштыже.
Тылеч посна вуйверыште Х-шо Марий калык Погынысо Резолюцийым Медведево районысо марий активын шуктымыж, Марий талешке кече вашеш эртаралтше мероприятий-влак, Марий Мер Каҥашын 2019 ий 2-шо кварталлан паша кышкар шотышто мутланеныт.