Марий Элыште шошо-ага пашам вияҥден колташ 828 механизатор кӱлеш

Кызыт 639 механизатор пашам ышта гын, чыла пашам виктарен колташ 828 еҥ кӱлеш лиеш.

Оперативный увер почеш, тений чыла озанлыкыште 294 тӱжем гектареш ял озанлык культурым вераҥдыман. Нунын кокла гыч 124 тӱжем гектарже пырчан да отызан культурылан, пареҥгылан 12 тӱжем, саскалан 4 тужем наре, технический культуро 9 тӱжем, кормалык культуро 145 тӱжем гектарым айлышаш.

Йытыным тений тӱжем гектареш вераҥдаш палемдыме. Икияшым чыла озанлыкыште 155 тӱжем гектареш ӱдат. Озанлыклаште урлыкаш икияш пырчын да отызан культурын шапашыже 25 тӱжем тонн уло, кӱлешлыкше- 22 тӱжем тонн. Урлыкым вашталтыме да уэмдыме амал дене пырчым да нӧшмым, ӱяҥдышым уэш наледат. Пырчым аярташ средствым тыгак налыт.

Дизель топливым 60%, бензиным 37% ситарыме. Ял озанлык техникын 98% ямдылыме. Кызыт 639 механизатор пашам ышта гын, чыла пашам виктарен колташ 828 еҥ кӱлеш лиеш.

Кидшер
Шонымашым ешараш