Марий Элысе мусульман-влакын духовный виктемыштлан 20 ий темын

Республикыште 32 приход пашам ышта, тушечын 29-ыже мечеть-влак, 15-же рушарня школым почмо.

Марий Элысе мусульман-влакын духовный виктемыштлан 20 ий темын. Тидын лӱмеш торжественный мероприятий эртен.

Муфтиятым саламлаш Марий Элыш Российысе мусульман-влакын рӱдӧ духовный виктемыштым вуйлатыше, Верховный муфтий Талгат Таджуддин толын.

Погынышо-влакым Республикым вуйлатышын лӱмжӧ дене Марий Эл правительстве председательын алмаштышыже Михаил Васютин саламлен.

Фанус Салимгареевын мутшо почеш республикыште 32 приход пашам ышта, тушечын 29-ыже мечеть-влак, 15-же рушарня школым почмо.

Кидшер
Шонымашым ешараш