Республикысе финанс министрестве Марий Элын консолидированный бюджетым шуктымо нерген отчётым ыштен.
Тений вӱдшор тылзе марте бюджет 7 миллиард 89 миллион теҥге парыш пурен. Налог да налогдымо парыш 4 миллардат 400 миллион теҥге лийын. Кодшо ийысе тыгаяк жап дене таҥастарымаште кушмаш 10% шуын. Тидыже экономикын вияҥмыже нерген ойла.
Роскотшо социальный корныжым арален кода. Эн шукыжо — 35% — туныктымо пашалан, 27% социал илышлан кая. Тыгак республикысе казна ола ден район бюджет-влакланат полша. Нунылан 2 миллиардат 200 миллион утла теҥге трансфертым колтымо.