Озаҥ олаште рушарнясе марий йылме школыш йоча-влакым чумырат. Лышыл жапыште Авиастроительный районышто рушарня школ шке пашажым тӱҥалеш.
«Кызыт ме марий йылмым тунемаш кумылаҥше, марий тӱвыра деке мелын шогышо да ача-ава, коча-кова-влакын йӱлаштым арален кодаш шонышо йоча-влакым кычалына. Вашлиймашна арнялан ик гана (рушарнян) эрташ тӱҥалеш. Школын номерже кызыт рашемдалтеш. 4 гыч 17 ияш йоча-влакым пагален ӱжына», — каласкала проектын туныктышыжо Татьяна Ибатиева.
Лекше йодышым +7 967 36 05 712 телефон але ibatieva92@mail.ru эл. почто дене рашемдаш лиеш.
