пайрем
Марий йоча изинек шочмо йылмым йӧратыже, пагалыже да марий шӱлыш дене илаш тунемже манын, кеҥежым «Изи мӧр пеледыш» лӱман йоча-влаклан пӧлеклалтше Пеледыш пайрем ынде кокымшо гана эртаралташ тӱҥалеш.
Вӱдшор тылзын латкудымшо кечынже Йошкар-Олаште Мер Каҥаш вуйверын погынымашыже эртен. Тушто кок тӱҥ йодышым онченыт: Талешке кечым ямдылымаш да эртарен колтымаш, Вуйвер пелен эксперт совет-влакым ыштымаш.
2014 ийыште Марий Талешке кечылан пӧлеклалтше могай мероприятий да кушто эртаралтеш? Тышке теат шке мероприятийдам ешарен кертыда. Мо тендан дене лиеш Талешке кечылан — палдарыза молымат!