М. Шкетан лӱмеш Марий кугыжаныш драме театр 95-ше лӱмгече тургымжым почаш ямдылалтеш. Паша шолынак кая. Театрын тӱҥ режиссёржо, Марий Эл Республикын сулло артистше Роман Алексеев чуваш драматург А. Тарасовын пьесыж почеш «Монча кечын» спектакль дене пашам ышта. Алексей Ямаев белорус драматургын Д. Богославскийын «Еҥ йӧратымаш» пьесыжым пашалан ойырен налын. Артист-влак, кеҥеж каныш деч вара, уло кумылын у пашалан пижыныт. Кеҥеж пагытын чыла ямжым погымеке, пашажат куштылгын кая. Театрын артист-влак концерт программе да тӱрлӧ спектакль дене яллашке лектын коштедат.
Марий театральный искусствым аклыше да йӧратыше-влакым у театр тургымышто, М. Шкетан лӱмеш Марий кугыжаныш театр вучен кодеш. Театрыште эше могай спектакльым ончаш лиеш? Тидлан афише лаштыкнам ончал лекса.
М. Шкетан лӱмеш Марий кугыжаныш драме театрын сайтше негызеш.