Мер Каҥаш: «Марий форум: шыже сессий»

0
77
гана онченыт

28-29 ноябрьыште Йошкар-Олаште Мер Каҥашын «Марий форум: шыже сессийже» эртыш. Форумышко Одо, Пошкырт, Киров, татарстан, Перьм, Угарман да Марий Элын тӱрлӧ районжо гыч тӱрлӧ виктышыште сферыште улшо еҥ-влак погыненыт.
28 ноябрьыште Мер Каҥашын пленумжо эртен. Калык тӱвырам вияҥдымаште самырык тукымын пашаже нерген сай докладым Марий Оньыжан алмаштыже, Мер Каҥашын еҥже Алёна Иванова ыштыш.  «ВийАр» самырык-влакын ушемын еҥже Николай Любимов «Книга - яллан» поро кумылым ончыктышо акций нерген каласкалыш. Ушештарем, кодшо ган тиде акций эртыме годым, кок тӱжем наре книгам погымо ыле. Формум жапыште марий книга-влакым Одо кундемысе «Ӱжара» ушемым вуйлатыше Виктория Папаевалан кучыктышт. Каласен кодыман, Виктория Папаевалан Марий Эл Республикысе Кугыжаныш Погынын таумутшым кучыктеныт. Теве Татарстанысе верысе марий калык дене Софья Шарабуева пашам ышта. Тудлан Чап Кагазым кучыктышт.
Варажым Г. Григорьев, И. Иванов, Л. Михеева, Ю. Морозов, Р. Попова да Ю. Юсупов верысе Мер Каҥаш активын паша лектышыж нерген да Марий Эл ден марий-влак тӱшкан илыме регионла коклаште вашкелшык-влак шотышто  увер дене палдарышт. Кастене, каналташ лийме семын «Марий памашын» концертше ончаш темлалтын.
29 ноябрьыште «Марий Элыште калык-влак кокласе конфессий кыл: социал паша шынык» теме дене Марий Эл Республикысе тӱвыра, печать да калык-влакын пашашт шотышто министр М. З. Васютин докладым ыштыш. Марий калыкын улшо ото-влакым аралыме да у кумалме верым почмо паша шотышто докладым тӱҥ онаеҥ Александр Таныгин ыштыш. Форум годым Денис Речкинын «Марий-влак Россий мучко илат» фотосӱрет ончерже пашам ыштен.

Фото: В. Виногоров

Текстыште йоҥылышым муында гын, пожалуйста, йоҥылышым палемден Ctrl+Enter темдалза.

ВАШМУТЫМ КОДЫЗА

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.