Марий Талешке кече Эстонийыште!

Марий талешке кечылан пӧлеклалтше Эстонийыште тӱрлӧ мероприятий ямдылалтеш. Тыге 29 апрелыште Сауэ олаште «Финно-угор калыкын талешкаже-влак» лӱман семинар эрта.
Семинарышке Морко район Коркатово лицейын туныктышыжо-влакым унала ӱжмӧ. Нуно эстон туныктышо-влак дене пырля марий талешке-влак дене палдарат.
30 апрелыште Таллин университетыште пайрем кас эртаралтеш. Тушко Татарстан гыч «Кына вел» ансамбль уналыкеш толеш. Тиде кечылан марий куштымаш касым ышташ палемдыме. Пайремыш Эстонийыште илыше марий-влак погынат.
2 майыште ик кинотеатрыште режиссёр Алексей Алексеевын «Шкетанын мландыштыже» киножо ончыкталтеш. Кином 2013 ий кеҥежым Оршанке районышто возалтын.
3 майыште «Кына вел» ансамбль Эстонийыште эртыше куштымаш фестивальыште шке мастарлыкыштым ончыктат. 

Кидшер
Шонымашым ешараш