Марий Эл Республикысе Кугыжаныш Погынын депутатше-влак у кугыжаныш пайремым — Конституций кечым — увертарыме нерген тӧртыкым пеҥгыдемденыт. Закон лукшо тӧнежын пресс-службыжын увертарымыж почеш, тудым идалык еда 24 июньышто палемдаш тӱҥалыт.
Марий Эл Республикын кызытсе Конституцийжым 1995 ий 24 июньышто Конституционный Погын пеҥгыдемден. Кугыжаныш Погынышто палемденыт: республикыште тиде кечым пайремлыме пеҥгыде йӱла шочын: парламент колыштмаш да шанче-практике конференций-влак эртаралтыт.
Тыгаяк пайрем Приволжский федерал округысо куд республик гыч нылытыштыже увертаралтын.