«ВийАр» тӱвыра да келшымаш кыл шотышто мер ушем журналист, видеограф, кином ончаш йӧратыше-влакым «УнчоFest» лагерь-семинарыш ӱжеш. Кинофестиваль Морко районысо Шоруньжа этнокультур комплекс пелен 9-11 июльышто эрташ тӱҥалеш.
Лагерь-семинар жапыште сценарийым возымо, съёмкым организоватлыме, режиссёрын пашаже нерген мастар-класс-влак эртат. Тидын годымак, участник-влак оператор, режиссёр дене вашлийыт, марий калыкын тӱвыраже, йӱлаже дене пален налыт да кумалтышыште лийыт.
Лагерь-семинарым эртарат: «ВийАр» тӱвыра да келшымаш кыл мер ушем, Морко район Унчысо этнокультур комплекс, «Кидшер» интернет-журнал, «Марий Эл» кугыжаныш теле да радио компаний, Марий Элысе тӱвыра, печать да калык-вакын пашашт шотышто министерстве.
Лагерь-семинарыш ушнашлан йодмашым sotnur@mail.ru электрон почто дене 15 июнь колтыман.
ПОЛОЖЕНИЙ ШУПШЫЛАШ.
Ешартыш уверым: www.kidsher.ru сайтыште але КонтактЫште улшо www.vk.com/kidsher, www.vk.com/uncho_fest тӱшкаште ончаш лиеш. Лекше йодышым +7 960 095 7707 или +7 987 720 1014 телефон дене рашемдыза.
