Марий тиште кече — калыкын ик эн кугу пайремже. Тудын историйже акрет годсо пагытышке шуйналтеш — 1775 ий 10 декабрьыште Санк-Петербург олаште ужалымашке лекше икымше марий грамматике («Сочинения, принадлежащие к грамматике черемисского языка») у илышыш корным почын.
Теният Тиште кечылан пӧлеклалтше ятыр мероприятийым эртараш палемдыме.
8 декабрьыште Марий кугыжаныш университетыште нылымше гана «Марла чын возена» диктант лиеш. Тудо кечынак Йылмым, сылнымутым да эртыкым шанчын шымлыше В. М. Васильев лӱмеш марий институтышто «Марий тамган туштыжо» йыргешке ӱстел лиеш.
9 декабрьыште Мер-политике рӱдерыште «Марий калыкын ончыкылыкшо: самырык-влакын ончалтышыт» марий форумын шыже сессийже эрта. Тиде кечынак Талантан йоча-влаклан калыкле президент школ-интернатыште «Марий йылме кагазвиктыш нуршерыште» семинарым эртараш палемдыме.
Икманаш, тиде ийын Марий тиште кече чылаштым иктыш чумырен, оҥайын, ойыртемалтшын эртышаш.
| 8 декабрь | ||
| 9.00-10.00 | регистраций | Фойе |
| 10.00-11.00 | «Марла чын возена» диктантым возымаш | |
| Йылмым, сылнымутым да эртыкым шанчын шымлыше В. М. Васильев лӱмеш марий институт | ||
| 14.00 – 16.00 | «Марий тамган туштыжо» йыргешке ӱстел | Конференц-зал |
| 9 декабрь | ||
| 13.00 – 16.00 | Мер Каҥашын шыже сессийже. | Изи зал |
| Талантан йоча-влаклан калыкле президент школ-интернат | ||
| 14.00 – 16.00 | «Марий йылме кагазвиктыш нуршерыште» семинар | |
| Республиканскысе курчак театр | ||
| 16.00 17.00 | Марий тиште кечылан пӧлеклалтше пайрем кас. | Фойе |