Паша верлаште пашазе-влакын тазалыкыштым аралаш да лӱдыкшыдымылыкым ышташ, производствышто эмганымаш ынже лий манын, паша да пашавер департаментын приказше дене Марий Элыште «Нулевой травматизм» программым пеҥгыдемдыме.
Тыгай прогаммым ямдылаш илыш качествым саемдымашын кӱлешлыкше, пашам ыштыше еҥын тазалыкшым арален кодаш кӱлешлык амалым пуэныт.
Пашам аралыме шотышто ведомство-влак кокласе республикысе комиссийын заседанийыштыже тиде программым ончен лектыныт да предприятий ден организацийлашке шыҥдараш темленыт.