Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да памятный дате-влак
- ООН — продовольствий – кочкыш йорвар – кече палемдалтеш.
- ООН — Анестезиолог-влакын пайремышт.
- Вуйлатыше-влакынат пайремышт. Вес семынже ты кечын Шефын але Боссын кечыже маныт.
Событий
- 1962 ий — «Юность» радиостанций икымше гана эфирыш лектын.
- 1964 ий — Китайыште икымше атом бомбын испытанийже эртен.
Шочыныт
- 1922 ий — Анатолий Иванович Смирнов, руш серызе, Марий Эл Республикысе тӱвыран сулло пашаеҥже.
- 1925 ий — Борис Шингареевич Шингареев, туныктышо, краевед. Марий Тӱрек кундем Мариец посёлкышто шочын. Кугу Ачаэл сар корным эртен. Шке шочмо кундемыштыже журналист, комсомол, партий, профсоюз пашаеҥ семын тыршен. 1962-шо ий гыч туныктымаш пашаш куснен. Тӱҥ шотышто Борис Шингареевич амалкалымаш, йӧндартыш, ялозанлык историйым шымлен. «Время и люди», «Земля и люди», «Сыны Отечества» книга-влакын авторжо.
- 1953 ий — Ольга Леонидовна Воскресенская, туныктыш пашаеҥ. Шернур кундем Шокшем Памаш ялыште шочын. Паша корныжо Марий кугыжаныш университет дене кылдалтын. Ботаник кафедрын доцентше. Биологий шанче кандидат.
- 1954 ий — Наталья Николаевна Глухова, марий йылмызе, шанчызе, туныктышо, кусарыше, филологий шанче доктор (1997), профессор (1998), Россий Федерацийын кӱшыл профессионал туныктышын почётан пашаеҥже.
- 1961 ий — Лариса Михайловна Билалова (Иванова), марий философ, шанчызе, туныктышо, философий шанче кандидат, доцент.
Калык пале
Денисын кечыже. Тиде кечын кеч-кöланат пеш вашке шинча возын кертеш манын шоненыт. Садлан пелен могай-гынат аралтышым налыныт.