Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.
Пайрем да шарнымаш кече
- Россий — Инженер-механик-влакын пайремышт.
- Россий — Политик репрессийыш логалше-влакым шарныме кече. Марий-влак кокла гыч шукын репрессийыш логалыныт: Йыван Кырла, Сергей Чавайн, Маюк Егоров да молат.
Событий
- 1696 ий — Пётр Первый кугыжан кӱштыкшö дене келшышын боярский погын теҥыз флотым чумырымо нерген кагазыш кидшым пыштен.
- 1888 ий — Икымше шариковый манме ручкалан патентым налыныт.
- 1941 ий — Севастополь олам аралымаш тӱҥалын.
Шочыныт
- 1890 ий — Яков Андреевич Эшпай, марий семлызе, фольклорист, хормейстер, туныктышо, искусствоведений кандидат (1946), СССР Семлызе-влак ушемын йыжъеҥже (1953), Марий АССР сымыктышын сулло пашаеҥже (1941).
- 1898 ий — Майоров-Шкетан, марий серызе, драматург.
- 1935 ий — Леонид Максимович Рыбаков, шанче пашаеҥ, Марий Эл Республикын сулло энергетикше да шанче пашаеҥже. Медведево кундем Изи Турша ялыште шочын. Кӱшыл шинчымашым Марий политехник институтын механик факультетыштыже поген. Вара Моско оласе энергетик-влакым ямдылыше институтышто шуаралтын. 1982-шо ий гыч Марий кугыжаныш политехник университетыште кугурак туныктышо семын тырашаш тӱҥалын: профессор марте шуын.
- 1949 ий — Леонид Гимаевич Гимаев, Марий Элын сулло журналистше, кызыт Марий кугыжаныш университетын ректорын информаций шот дене полышкалышыже. Леонид Гимаевич Пошкырт Эл Мишкан кундем гыч. Ишим кыдалаш школым тунемын пытарымеке, Благовещенский педучилищыште шинчымашым поген. 1972-шо ийыште Марий кугыжаныш университетын историй да филологий факультетышкыже тунемаш пурен. Вара Марий радиошто шуаралтын. 1984-ше ий гыч телевиденийыште тыршен. Кызыт паша корныжо Марий кугыжаныш университетысе информаций пӧлка дене кылдалтын.
- 1961 ий — Станислав Сергеевич Лукианов, Марий Элысе тӱвыран сулло пашеҥже. Курыкмарий кундем Сарапаево ялыште шочын-кушкын. Шинчымашым Марий кугыжаныш университетыште поген. Шочмо-кушмо ялыштыже «Шанавӹл» (Радуга) ансамбьым чумырен. Ансамбльын усталыкше – йот да мемна элысе шанче-этнограф-влакым шымлыме пашам тӱҥалаш таратен.
Калык пале
Шнуй Осиян кечыже. Чыла орва-влакым телылан сарайыш шогалтеныт, кӱлеш гын – ачаленыт. Йоча-влаклан орава нерген туштым туштеныт.