Кечышот. 14 ноябрь (кылме)

Мо дене тиде кече шарнымашеш кодын? Могай лӱмлӧ еҥ шочмо кечыжым палемда? Тидын нерген «Кидшер» интернет-журналын материалыштыже.

Пайрем да шарнымаш кече

  • Диабет ваштареш кучедалме тӱнямбал кече палемдалтеш. Тиде кече Канадысе физиолог Бантингын шочмо кечыже лӱмеш палемдалтеш
  • Социолог-влакын кечышт
  • Логопедын кечыже.

Событий

  • 1920 ий — Севастопольысо бухта гыч ош армийын пытартыш корабльже-влак лектыныт.
  • 1936 ий — Игечым эскерыше бюро пелен Игече институтым почыныт.
  • 1989 ий — Репрессийыш логалше еҥ-влакын депортацийым закондымылан шотлымо деклараций лектын.

Шочыныт

  • 1946 ий — Измаил Варсонофьевич Ефимов, сӱретче, график, Марий Элын сулло сӱретчыже. Курыкмарий кундемыште шочын. Микряк кыдалаш школым тунемын пытарымеке, Озаҥ оласе сӱретче училищыште тунемын, вара Суриков лӱмеш Москосо сӱретче институтышто шинчымашым поген. Измаил Варсанофьевич марий республикысе сӱретче – влакын ушем кучемын вуйлатышыже лийын.
  • 1939 ий — Валерий Петрович Матвеев, мер да спорт пашаеҥ, Марий республикын капкультурын сулло пашаеҥже. 1953-шо ийыште Торяъл кундемысе Ошканер шымияш школым тунем пытарымек, Йошкар-Оласе педучилищыш тунемаш пурен. Армий деч вара У-Торъял школышто физкультур туныктышылан тыршен. 26 ий Валерий Петрович Марий Эл баскетбол федерацийым вуйлатен.
  • 1951 ий — Ольга Петровна Скребкова, туныктыш пашаеҥ, Россий Федерацийын сулло туныктышыжо. Куйбышев велыште шочын. Кӱшыл шинчымашым Куйбышев кугыжаныш педагогик институтышто налын. Йошкар-Олашке 1975-ше ийыште толын. Тӱрлӧ школлаште туныктышылан пашам ыштен. 1990-ше ий гыч 27-ше №-ан школын вуйлатышыжлан тыршаш тӱҥалын.
  • 1930 ий — Владимир Ильич Изергин, журналист, Марий Элысе тӱвыран сулло пашаеҥже палемда. Педучилищым тунем пытарымек, «Коммунар» Шернур кундемысе газетыште ыштен. 26 ий «Марий коммуна» газет редакцийын пӧлка вуйлатышылан пашам ыштен. Конституций текстым да В. И. Ленинын пашаже-влакым марий йылмышке кусарымаште тудынат надырже изи огыл.
  • 1972 ий — Людмила Евгеньевна Шабдарова, марий йылмызе, шанчызе, туныктышо, филологий шанче кандидат (2001), доцент (2011).
  • 1984 ий — Роза Евгеньевна Искакова, мурызо. Роза шкеже Одо Эл Грахов кундем Мари-Возжай ялыште шочын-кушкын. Марий-Возжай кыдалаш школым тунемын пытарымеке, Йошкар-Олашке тӱвыра да сымыктыш колледжышке эстрада пӧлкашке тунемаш пурен.

Калык пале

Козьма да Дамианын кечыже. Тиде кечын идалыклан пытартыш суан-влакым эртареныт. Марлан кайыдыме ÿдыр-влак ÿдырсий пайремыш чумыргеныт. Поян еҥ-влак нужна родо-тукымыштлан, пошкудыштлан пöлек шотеш чывым пуэныт.

Кидшер
Шонымашым ешараш