Йылме комиссийын черетан погынымашыже эртен

kommissiya-po-yazy-kam-jy-lme-komissijМарий Эл Республик Виктер пеленсе Марий Эл Республикын кугыжаныш йылмыже-влак шотышто комиссийын черетан погынымашыже эртен. Комиссий вич йодышым радамлен.
Йылме комиссийыште ончышаш икымше йодыш Марий Элыште йылме политике шотышто нормативно-правовой негыз-влак дене палдарыше сборникым савыктыме йодышлан пӧлеклалтын. Тудым Марий Эл Правительстве Председательын икымше алмаштышыже, Тӱвыра, печать да калык-влакын пашашт шотышто министр Михаил Васютинын секретариатше ямдылен. Комиссий сборникым савыкташ темлен. 
Поснак пӱсӧ ӱчашымашым 2016-2017 ийлаште республикысе школлаште марий йылмым туныктымо йодыш тарватен. Докладым Марий Элысе туныктыш да шанче министертсвын тӱҥ да школыш кошташ шудымо виктемын начальникше Ольга Майкова ямдылен. Тудак туныктымо да методика книга да пособий-влакым савыктыме паша дене палдарен.
Россий писатель ушемын Марий Элысе пӧлкажын председательже Светлана Архипова кундемыштына 2016-2017 ийлаште Российысе калыкле литературым савыкташ полшышо программе дене палдарен.
Тыге каҥашпогынышто лончылымо кажне йодыш дене пунчалым пеҥгыдемдыме, палара Марий Элысе тӱвыра министерствын пресс-службыжо.

Кидшер
Шонымашым ешараш