«Кидшер» нерген шонымаш-влак!

Л. В. Семёнова, «Ямде лий» газетын тӱҥ редакторжо: «Интернетым ме ынде СМИ семынак аклена. «Кидшер» интернет-журналынат тӱҥ сомылжо – увер дене палдараш. Ме, кагазеш савыкталтше СМИ-влак, уверым лудшына деке икмыняр кече гыч гына намиен шуктена гын, блогер-влак ужмо-колмышт дене тунамак палдарат.»

* * *

Наташа ПушкинаН. В. Пушкина, «Марий Эл Радион» тӱҥ редакторжо: Мылам «Кидшер» интернет-журнал моткочак келша. «Кидшер» марий тӱням  марий илыш, увер дене палдарен шога! Тыште уста марий самырык рвезе Николай Любимов тырша. Мый куанем – марий тӱняште тыгай чолга рвезе лекме дене!

* * *

Татьяна ПчёлкинаТ. А. Пчёлкина, «Кугарня» газетын корреспондентше: «Кидшер» интернет-журналыште вераҥдыме кажне материалым лудам. Сайтыште марий кундемыште лийше событий-влак нерген гына огыл, тӱнямбал кӱкшытыштӧ мом ышталтмымат пален налын кертына. Тидыже пеш куандара.

***

Олег СлавинОлег Славин, музыкант: Мый, шкендым илыш дене тӧр ошкылшо айдемылан шотлем. Марий сайт-влакын кӱлешлыкыштым сайын палем. «Кидшер» интернет-журнал тачысе Марий Эллан чотак кӱлеш. Лач «Кидшер» дене пырля кузе марий калыкна ила пален налына.

***

Сергей Корнеев

Сергей Лимбер, телеоператор: «Кидшер» интернет-журнал моткоч сай. Тачысе кечылан келшен толшо дизайн,увер-влакымат вашке да сай качестве дене пуат. Кӱлешан пашам ыштат.

 

***

Екатерина МартюшинаЕкатерина Мартюшина, кугыжаныш пашаеҥ: ««Кидшер» – Марий Эл нерген кызытсе саманлан келшыше интернет-журнал. Ты интернет-журнал шочмо кундемнан чыла кугыжаныш йылмыж дене лектын шога. Тидыже моткоч куандара. Тауштымо шомакым савыктыш командылан да «Кидшерын» тӱҥ редакторжылан тыгай чапле сайтым шочыктымылан, тӱҥалме пашаштым ончыко наҥгайымыштлан да вӱден шогымылан каласыме шуэш. «Кидшер» интернет-журнал вийым поген кушкеш, сылнештеш да марий калыкын илышыже, тӱвыра дене палдарымаште, шарымаште шкенжын вержым налеш.»

* * *

Алёна Яковлева, мурызо да сылнымутчо: «Кидшер» интернет журнал марий калыкнан илымыжым палдарыше да илышыжым ончыктышо интернет-журнал. Калыкна ила гын, ты журналысе лаштык нигунам ок пустаҥ, а «Кидшер» журнал шке пашажым шукта гын, тугеже марий калык эше вияҥеш да чаплана! Йолташ-влак, ушныза «Кидшерыш»!