Марий самырык театр лӱмжым вашталтен. Шкенжын 35 ияш лӱмгечыж вашеш тудо у лӱмым увертарен — Вознесенский уремыште верланыше Самырык-влак театр.
«Тиде ийлаште ме пырля ятыр историйым илен лекна, воштылна да ойганышна, юзо вийлан ӱшнышна да эн тӱҥжым умылаш тунемна. А таче ме вес ошкылым ыштена. Ме чекнам кумдаҥдена — ынде ме Вознесенский уремыште верланыше Самырык-влак улына», — каласалтеш коллективын увертарымаштыже.
Театрыште палемденыт: лӱмоҥам вашталтымылан кӧра эн тӱҥжӧ тугаяк кодеш. «Ме ончычсо семынак тендам шкенан постановкына-влак дене куандараш, эмоцийым пӧлеклаш да тыланда кӱлешан нерген кутыраш тӱҥалына» — ешареныт тӧнежыште.
Марий самырык театр 1991 ийыште почылтын. 2015 ийыште тиде театрым йоча ден самырык-влаклан республикысе театр-рӱдерыш савырыме. Тиде лӱмым тӧнеж 2017 ий марте нумалын. 2024 ийыште оралтым угыч олмыктымо.