Российын президентше Владимир Путин Йошкар-Олалан «Пашаште лӿдымылык ола» чаплӱмым пуымо нерген кӱштымашеш кидпалыжым пыштен. Документ правовой информацийын порталыштыже савыкталтын.
Чаплӱмым «1941–1945 ийласе Кугу Ачамланде сарыште Сеҥымашке шуаш олалаште илыше-влакын надырышт моткоч кугу улмылан, промышленный предприятийлаште сарзе да граждан продукцийым чарныде лукмым ыштымылан, тидын годым ончыктымо кугу пашаче героизмым да шкем чаманыдымым» пуымо.
Йошкар-Ола дене пырля эше 11 олалан чаплӱмым пуымо: Березники, Бийск, Вятские Поляны, Копейск, Королёв, Первоуральск, Саранск, Серов, Уссурийск, Ухта да Черемхово.