МарГУ-што школлаште тунемше-влакын олимпиадышт эрта

Марий кугыжаныш университет негызеш кумшо ий почела школлаште тунемше-влакын Всероссийский олимпиадыштын региональный этапше эрта. Тушко республикысе общеобразовательный организацийла гыч 9-11 класслаште тунемше-влак ушненыт. Нуно кум арня мучко 12 предмет: руш йылме, литератур, химий, француз йылме, англичан йылме, историй, биологиий, физический культур, искусство (тӱнямбал художественный литератур), экологий, математике да немыч йылме – дене шке шинчымашыштым тергат.
Региональный этапышке 488 тунемше ушнен. Эн шуко участник-влак: химий дене – 46, биологий дене – 59, литератур дене – 47, физический культур дене – 72, математике дене – 62.
Олимпиадым торжественно почмашке республикысе образований да науко министрын алмаштышыже Татьяна Михайловна Гусакова, МарГУ-н шанче паша да инноваций шотышто проректоржо Анатолий Николаевич Леухин, йот йылме-влак факультетын деканже Татьяна Ивановна Забурдаева да молат лийыныт. Икымше кечын француз йылмым палымыжым 8 тунемше терген.
МарГУ-што школьник-влак дене профориентаций пашам эртарыме, вуз нерген видеороликым онычыктымо. Кажне тунемшылан университет символикан папкым, блокнотым да ручкам кучыктымо. Олимпиадым почмаш изирак концерт дене мучашлалтын.
Икымше кечын француз йылмым кузе палымыжым 8 тунемше терген.

Леонид Гимаев

Кидшер
Шонымашым ешараш