«Ямде лий» газет лийже сай пӧлек!

«Ямде лий» йоча газет редакций тыгай акцийым увертара.
Пагалыме ача-ава, коча-кова, ака-иза, чӱчӱ ден чӱчӱньӧ-влак! Икманаш, кугыеҥ-шамыч! Российын кеч-могай кундемыштыже иледа гынат, эрге-ӱдырланда, уныкаланда, родо-тукымыштыда улшо шольо – шӱжарланда «Ямде лий» газетлан почто гоч подпискым ыштен пуаш тендам ӱжына.
Шарналтыза изи годсо жапдам. Тунам «Ямде лийым» луддымо икшыве лийынжат огыл дыр?  Кызытат йоча газетым кажне марий ешыш пӧртылташ кӱлеш. Тыге ме ончыкылык марий лудшым куштена! Шочмо йылмынам, тӱвыранам, историйнам арален кодымашке кугу надырым пыштена! Шарныза: кугу паша изи гыч тӱҥалеш. А йоча «Ямде лий» газетым пӧлеклымыдам ӱмырешыже шарнен илаш тӱҥалеш.

«Ямде лий» газет редакцийын пашаче ешыже.

Кидшер
Шонымашым ешараш