«Марий Эл радион» 13 ияш шочмо кечыжлан пӧлеклалтше кугу концерт Йошкар-Оласе «Дружба» стадионышто 4 августышто лиеш.
Концертыш билетым Йошкар-Олаште Сеҥымашын ХХХ Идалыкше лӱмеш тӱвыра полатыште, «Марий Эл радион» редакцийыштыже (Патриарший площадь, Царьградский пр. 37, ГАУК «МЭТР»), шаркалыше-влак деч налаш лиеш.
«Марий Эл радион» — кугыжаныш ТУЙ улеш. Тудо «Марий Эл Телерадио» холдингыш пура. Икымше гана эфирышке Мурызо Эчан (Александр Кожевников) 2005 ий 1-ше июльышто лектын. Ончыч кум шагат вияш эфирыште колышташ лиеш ыле гын, тачысе кечылан – 16 шагат. Программе-влакым марла, рушла да татарла колышташ лиеш.