Тений 13-шо апрельыште Марий Элна кудымшо гана «Тотальный диктант» акцийыш ушна. Тудо тӱнямбалсе 80 элын 1 100 утла олаштыже эртаралтеш. Диктант 14 шагатлан тӱҥалеш.
Тудым Марий университетын площадкылаштыже, «Точка кипений» рӱдерыште, «Ёлка» ужалкалыме рӱдерыште да Чавайн лӱмеш книгагудышто возат. Тыгак Волжск, Козьмодемьянск да Звенигово ола- влакат ушнат.
Ончычсо пашам шымлымек, райрӱдылаште тений эртараш огыт тӱҥал. Сандене кумылан-влак рӱдӧ площадкылаште вучат.