Кок тӱжем латкокымшо ий гыч Марий Эл Республикысе тÿвыра, печать да калык-влак паша шотышто министерстве ты темлыме пашам сайлан шотлышо министерстве, тӧнеж, организаций-влак дене пырля марла возышо сайт, портал, блог да интернет-тӱшка-влак коклаште конкурсым эртара. Министерствын печать да тӱшка коммуникаций виктемже увертарымыж почеш, конкурс Марий Элысе да шочмо калыкын тÿшкан илыме кундемласе марий-влак икте-весышт дене илышын тÿрлö йыжыҥжым интернет гоч келгынрак вашла палдарен кертышт да икте-весышт дене кутыраш сай йöн лийже манын кок ийлан ик гана эртаралтеш.
Теве кок тӱжем латнылымше ийыштат «Марнетын шÿдыржö-влак» конкурс эртаралтеш.
«Марнетын шÿдыржö-влак – 2014» марий йылме дене сайт-влак конкурсын жюри конкурсыш пурышо йодмаш-влакым ончаш тÿҥалеш. Палдарат mincult12.ru сайтыште.
Кызытсе жаплан латкок участник деч йодмаш пурен. «Тÿвыра тöнежын, образований тöнежын эн сай сайтше» номинацийыште жюрилан аклаш Республикысе марий тÿвыра рÿдер шке сайтшым (www.chm.mari-centr.ru) темлен.
«Марий йылме дене печать СМИ-н эн сай сеть версийже» номинацийыште премийым налшаш верч «Чолман» (www.cholman.ru) ден «Марий Эл» (www.gazetamariel.ru) газет редакций-влак таҥасат.
«Марий калыкын тÿвыражлан, сымыктышыжлан, йылмыжлан, историйжылан, религийжылан да йÿлажлан пöлеклалтше эн сай сайт» номинацийыш «Кидшер» (www.kidsher.ru) этнокультурный сайтше дене МарГУ-н студентше Николай Любимов, журналист да блоггер, «Арслан» (www.mari-arslan.ru) этнокультурный интернет-журналым ыштыше Эльвира Куклина, тыгак Марий кугыжаныш университетын студентше-влак, ик соцсетьыште марий-финн Интернет-журналым (www.finnblogger.livejournal.com) вÿдышö-влак йодмашым пуэныт.
«Эн сай Интернет-дневник (блог), Интернет-сообщество» номинацийыште эн шуко участник. Премийым налшаш верч шым участник таҥаса: Николай Любимов («Илыш ик гана веле пуалтеш» блог, www.nik-lyubimov.livejournal.com), Христина Александрова («Чонем вÿчка шочмо мландем» блог, www.hristialex98.livejournal.com), Татьяна Япаева («Чон шепка» блог, www.lyavi-tachana.livejournal.com), Зоя Глушкова («Зоя Дудина» сайт, www.zojadudina.ru), Евгений Декин («MariBlog.ru» сайт, www.mariblog.ru) да Максим Алгайкин («colledge» блог, www.colledge.livejournal.com).
Конкурсышто сеҥыше-влакын лÿмыштым тений декабрьыште увертарат.

Интернетыште эше могай сайт-влак улыт? Ончаш »

«Кугарня» газетын ответственный секретарьже Ирина Золотарева

ВАШМУТЫМ КОДАШ

Please enter your comment!
Please enter your name here

Лимит времени истёк. Пожалуйста, перезагрузите CAPTCHA.