Таче «Кидшер» интернет-журнал изирак лӱмгечыжым пайремла. Мыланна кум ий.
Кум ий ончыч, теле тылзын 15-ше кечынже, Николай Любимов ден Андрей Чемышев у интернет-журналлан тӱҥалтышым пыштеныт. Ты савыктышым «Кидшер» манын лӱмденыт. Интернетвотысо журнал марий сандалыкыште эртыше мероприятий, событий-влак нерген увер-влакым Марий Элын кугыжаныш йылме-влакше дене (олык марий, курык марий да руш йылме дене) лудшо-влак деке намиен шукташ шонен ышталтын. Тений савыктыш татар йылме дене бета-версий семын ешарен, дизайным вашталтен. «Кидшер» гоч лудшо-влаклан увер-влак, тӱвыра, туныктымо да воспитаний аланыште тӱрлӧ вашлийын, мутланымаш да шуко моло информаций темлалтеш.
Таче «Кидшер» интернет-журналым Российыште гына огыл, уло тӱняште лудыт, вет интернетвот гоч уверым моткоч писын да шке жапыштыже пален налаш лиеш.
Шукерте огыл, «Кидшер» интернет-журналын коллектившым «Марнетын шӱдыржӧ» интернет конкурсын сеҥышыже семын палемденыт.
Пагалыме лудшына-влак, тендан иктаж темлымашда але тыланымашда лиеш гын, уло кумылын info@kidsher.ru эл. почтышкына серышдам вучена.
