Уло кумылын тендам Кугу Сеҥымаш кече дене саламлем.
Кугу тау шергакан ветеран-влаклан. Шочмо кундемнан, элнан ончыкылыкышт верч пеҥгыде, лӱддымӧ, патырлык койышдам, чапдам порын шарнаш тӱҥалына.
Уло кумылын чылалан тазалыкым, сай илышым, пиалым, лишыл еҥ-влакын тӱткышыштым тыланем.
***
Элнан тиде шнуй пайремже калыкнан героизмжым, пеҥгыде да сеҥалтдыме чонан улмыжым ончыктышо символышко савырнен. Тушто Российысе кажне ешын историйже кодын.
Кугу Отечественный сар годым, кужун шуйнышо 1418 кече ден йӱдым, ачана, кочана, кугезе кочана-влак фронтышто фашист ваштареш талын кредалыныт, тылыште да госпитальыште шкем чаманыде тыршеныт. Шӱдӧ тӱжем еҥ концлагерьлаште индыралтын, а мыняр икшывын йоча пагытшым сар локтылын!
Тендан ончылно мемнан порысна – совет калыкын кугу подвигше нерген шарнымашым аралаш да ик тукым гыч весыш кусараш, нацизм ваштареш шогаш да историйым уэш возаш.
Тендан лӱддымылыкда, шочмо кундем верч ӱшанле улмыда, порылыкда да чын верч шогымыда Российым тӱзатымаш верч пашалан кумылаҥда.
Тиде волгыдо 9 Май пайрем годым уло чон дене тыланда, шергакан ветеран-влак да Марий Элыште илыше еҥ-влак, пеҥгыде тазалыкым, пиалым, тыныслыкым да сай илышым тыланем!
Тек Сеҥымаш да тудын нерген шарнымаш эре шӱмыштына, поро пашаштына кажне кечын илалше-влакым ончымо годым лийыт.