Марий Эл Республикын Виктерже 2027 ий 1 январь гыч «Российысе писатель-влак ушем» тӱшка Российысе мер организацийын регионысо пӧлкажлан сылнымут творчествым вияҥдаш субсидийым пуаш тӱҥалеш. Тидын нерген келшен толшо пунчал кабмин сайтыште савыкталтын.
Республикысе бюджет гыч окса кок корно дене роскотым ситараш колталтеш: ганан мероприятий-влакым эртараш да организоватлаш кӱлшӧ сатулан, пашалан да суаплыклан тӱлымӧ, тыгак субсидийын цельышкыже шуаш кӱлшӧ моло роскот. Субсидийын кугытшо нине корно дене сметыш пуртымо, Марий Эл Республикын Тӱвыра, тӱшка коммуникаций да архив паша шотышто министерствыш пуымо планлыме роскотын суммыжо семын палемдалтеш.
Субсидийым пуымо лектыш семын Писатель-влак ушемын регионысо пӧлкажын эртарыме сылнымут мероприятий-влакын чотыштым палемдыме. Налше тылзе еда роскот да лектыш шумо нерген отчётым пуышаш; келшен толшо условийым пудыртымо да лектышке шудымо годым оксам республикысе бюджетыш пӧртылташ кӱлеш.