Марий сайт-влакым конкурсышто аклат

Марнетын шӱдыржӧ, клавиатура, интернет, сайт, СМИ, блоггерМарий Эл Республикын Тӱвыра, печать да калык-влакын пашашт шотышто министерствын увертарыме «Марнетын шÿдыржö-2016» конкурс умбакыже шуйна. Конкурсыш Интернетысе марий йылме дене информаций ресурс-влак (сайт, портал, интернет-дневник) ушнен кертыт. 
Конкурсышто тыглай номинаций-влак улыт:

  • Кугыжаныш кучемын эн сай сайтше.
  • Тÿвыра, туныктыш тӧнежын эн сай сайтше.
  • Мер ушемын эн сай сайтше.
  • Савыктыме газет але журналын вотысо (сетьысе, сетевой) эн сай версийже.
  • Марий калыкын тÿвыра, сымыктыш, йылме да йÿлажлан пӧлеклатше эн сай сайт.
  • Эн сай авторский Интернет-дневник (блог), Интернет-сообществе.

Йодмашым Марий Эл Республикысе тÿвыра, печать да калык-влак паша шотышто министерствыш 1 октябрь марте пуэн шуктыман.
Тенданат кумылда уло тиде конкурсышто вийдам тергаш? Конкурс нерген шукырак тыште пален налаш лиеш.

Кидшер
Шонымашым ешараш