Кугыжаныш ветеринарий тӧнежлашке Медведево, Советский, Шернур кундемлаште мӱкш-влакын колымо нерген увер пурен.
Специалист-влак тергашлан кушкыл да мӱкш продукт гыч пробым налын тергаш колтеныт. Лектыш варарак пале лиеш.
Мӱкш колымо нерген республикысе мӱкшызӧ-влак ушемым вуйлатыше Павел Свининат увертарен. Тудын мутшо почеш, амалже пасум гербицид дене обрабатыватлымаш лийын кертеш.
Тыгай сомыл деч ончыч агроном-влак мӱкшызӧ-влакым шижтарышаш улыт. Мӱкш тӱшкан колымаш-мӱкшызылан кугу ойго.