7-27 июльышто Марий кугыжаныш университетын национальный культур да калык-влак кокласе коммуникаций институт пелен йот элысе граждан-шамычлан марий йылме да культур кеҥеж школ пашам ышташ тӱҥалеш.
Марий Элышкына Финляндий гыч кумыт, Австрий гыч нылыт, Германий ден Швейцарий гыч ик еҥ гыч толыт. Тыгак Москва гыч кок еҥ марий йылмым тунемаш тӱҥалеш.
Нуно чыланат Марий кугыжаныш университетын тӱшкагудыштыжо верланат. 12-19 июльышто Башкортостанын Пӱнчер ялыштыже эрвелмарий диалект курсышто лийыт.
Тиде школ нерген кумданрак пален налнеда гын, Марий кугыжаныш университетын сайтшым ончалза.
Автор: Лидия Шабдарова, «Марий Эл» газетын корреспондентше