Юрий Ильич Соловьев 1962 ий 4 июньышто Шернур районысо Марисола воктенысе Купсола ялеш шочын. Кыдалаш школ деч вара ик ий шочмо совхозышто тыршен, вара МарГУ-н истфилфакышкыже тунемаш пурен. Тылеч вара «Ямде лий» газетыште, «Марий Эл периодике издательствыште» тыршен. Ятыр ий «Кугарня» газетын вуйыншогышо секретарьжылан шоген. Ныл ий – «Крайний Север» — Певек» издательсвын директоржо да тӱҥ редакторжо лийын. Ик жап «Марий Эл» газет редакцийыште тыршен, а ынде «Марий Журнал» предприятийым вуйлата.
Ю. Соловьёв ятыр книган авторжо улеш. Мутлан, «Тумышан леведыш» книгаже Шабдар Осып лӱмеш премий, Марий Эл правительствын Чап грамотшо, Марий Эл Республикын С. Г. Чавайн лӱмеш кугыжаныш премийже дене палемдалтын, «Марий Эл тӱвыран сулло пашаеҥже» улеш.
Лач тиде книгам ме тыланда лудаш темлена…
