Фотоконкурс «Марий улмем ден кугешнем»

Конкурсышто эше шке пашадам колтен шуктеда!!! Вашкыза!!! «Кидшер» этнокультурный сайт, «Язык для тебя» тунемаш темлыше сайт да марий йылме дене увер-влакым лудаш темлыше «Увер йолва» сайт «Марий улмем ден кугешнем» фотоконкурсым увертарат. Шке вийдам кок номинацийыште терген кертыда. Икымше, «Марий улмем ден кугешнем» маналтеш. Тиде номинацийыште те шке фотографийдам колтеда, йымалныже икмыняр шомакым сералтеда. Кокымшо, «Марий улмылан молан вожылаш?!». Тыште те изирак заметкым але шке шонымашдам возен колтеда. Конкурсын ик эн тӱҥ келшыкше: фото-влак марий шӱлышан лийшаш улыт.
Паша-влакым 25-ше октябрь марте  viktaryshe@kidsher.ru электрон почто дене вучена. Эшежым паша-влакым мемнан деке тӱрло йӧн дене колтен кертыда. Иктешлымашым 4 ноябрьыште 2014 ийыште ыштена. Эн сай, качестве да тематике дене келшен толшо паша-влакым пӧлек-влак вуча. Сеҥыше-влакым организатор-влак веле огыл, тыгак, интернет дене пайдаланыше-влакат паша-влаклан акым пуаш тӱҥалыт.
Ушныза конкурсышко але спонсор радамышке! А конкурсыш йодмашым колтымо годым палемдаш кӱлеш:

  1. Фамилий, лӱм, ачалӱм
  2. Шочмо кече
  3. Илыме вер
  4. Ойырымо номинаций
  5. Паша вер (кушто да кӧлан)
  6. Телефон
  7. Электрон почто.

Шкелык данный шотышто чыла правадам тӱрыснек аралена!
Йодыш але иктаж могай умылыдымаш лектын гын, те мемнан дене вашкылым тыште ыштен кертыда. Ушныза участник, жюри але спонсор-влак радамышке.

Кидшер
Шонымашым ешараш

  1. Эчан

    Поро жапда лийже!

    Увертышыште йоҥылыш уло гай коеш. «Марий улмем денЕ кугешнем», молан манаш гын ден — союз, почешмут огыл.

    Ответить
    1. viktaryshe автор

      Салам лийже! Чын, возеда, шке ойдалан пеш кугу тау!

      Ответить