XII гана эртарыме «Марий Элын идалыкын книгаже – 2026» республикысе конкурс тӱҥалын. Тудо 10 декабрь марте шуйна, — Тӱвыра, печать да калык-влакын пашашт шотышто министерствын пунчалже гыч пале.
Ончаш 2025–2026 ийлаште савыктыме савыктыш-влакым, тыгак 2024 ийыште лекше, но «Марий Элын идалыкын книгаже – 2024» конкурсыш пуыдымо изданий-влакым налыт. Тираж 30 экземпляр деч шагал лийшаш огыл. Ушнаш йодмаш-влак 2026 ий 26 ноябрь марте налыт.
Конкурс 13 номинацийыште эрта, тушко тӱҥ премий — «Идалыкын эн сай книгаже» — да тыгак «Марий йылме дене эн сай книга», «Марий Эл Республик нерген эн сай книга», «Науко да туныктымашлан эн сай савыктыш», «Йоча да самырык-влаклан эн сай книга» да «Лудшо-влакын кумылышт» номинаций-влак пурат. Пытартыш номинацийыште сеҥышым книган ончерыштыже (тудо 2 ноябрь гыч 10 декабрь марте пашам ышта) йӱклымӧ почеш палемдат.
Конкурсын учредительжылан келшен толшо министерство шотлалтеш, а организатор да координатор семын С. Г. Чавайн лӱмеш калыкле книгагудо тырша. Конкурсым кок ийлан ик гана савыктыш, полиграфий организаций, тӧнеж, мер ушем, книга автор-влак да савыктыме пашам шуктышо моло еҥ-влак коклаште эртарат.