Юрий Зайцев Сеҥымаш кече дене саламлен

Марий Эл Республикым Вуйлатыше Юрий Зайцев Кугу Отечественный сарын ветеранже, тулык вате да тылын труженикше-влак, республикыште илыше еҥ-влакым Сеҥымаш кече дене саламлен. Телеграммым вуйлатышын сайтышыште савыктыме.

«Историйыште тудо ик эн тӱҥ дате, Российыште илыше кажне еҥлан эн шергакан, шнуй пайрем. Сӧй пасушто элнам пеҥгыдын аралыше салтак, неле жапым илен лекше тылын труженикше, йоча пагытым йомдарыше икшыве-влак – чыланат сеҥымашын геройжо, мемнан кугешнымашна, чапна улыт. Нунын подвигышт чыла тукымлан пример шотеш кодеш», — палемден Зайцев.

Тудо ветеран-влаклан кугу таум ойлен. Чылалан тазалыкым, сай илышым, пиалым, лишыл еҥ-влакын тӱткышыштым тыланен.

Кидшер
Шонымашым ешараш