Российышт улшо финн-угор медиа-влакым ик реестрышке 2023 ий мучаш марте чумырат. Тидын нерген Вашкылым вияҥдыше калыкле рӱдерын вуйлатышыже Николай Любимов финн-угор калык-влакын Россий кӱкшытан форумыштыжо палдарен.
Реестрышке официальный регистраций деч посна улшо тӱшка увер йӧн-влакымат пуртат. Тиде пашам регионласе тӱвыра да калыкле политике шотышто министерстве-влак дене шуктат.